Komande konsert - ei sannsoge frå farne tider - Kom og Høyr

"Skifersongen" - eit historisk spel

Skifersongen er eit songspel der handlinga er teken frå Kytesgrenda og Hedleberget i åra 1920–1931. Spelet handlar om kor tungt, farleg og lite løn arbeidarane i skiferbrotet hadde. Og kor rike eigarane vart. Det vart difor ein storstreik i skiferbrotet som varte i 16 månader. Streiken splitta grenda i to. 

I handlinga er det og ei historie om kjærleik og svik, og om fattig-guten som dro til Amerika og vart rik.

Personane i spelet er oppdikta. Men bakgrunna for spelet er historisk og byggjer mellom anna på samtalar Jan Jøssang har hatt med eldre folk i grenda, og med Aslak Helleve si bok «Skiferdrifta på Voss fram til 1940». Då det var stordomstid i skiferbrotet, jobba det oppimot 200 mann i brotet.

Sjølv om du har sett og høyrt spelet ved tidlegare framsyningar, kan ein med fordel sjå spelet om att fleire gonger - ein oppdagar alltid noko nytt.